15/04/26

CUARTA SESIÓN DOS CLUBS DE LECTURA

NO CLUB DE LECTURA DOS PEQUENOS COMENTOUSE A OBRA O PRINCIPIÑO DE ANTOINE DE SAINT EXUPÉRY.

O ALUMNADO, DESPOIS DE COMENTAR A OBRA,IMAXINOU OUTRO PLANETA ONDE O PRINCIPIÑO POIDO TER PARADO ANTES DA SÚA CHEGADA Á TERRA.

OS NENOS DA VARIOLA DE MARÍA SOLAR FOI A OBRA COMENTADA NO CLUB DE MAIORES.

A SESIÓN FOI LEVADA POR ANA SOMOZA, PROFESORA DE LINGUA E LITERATURA ESPAÑOLA.

TERCEIRA SESIÓN DOS CLUBS DE LECTURA

O 27 DE XANEIRO TIVO LUGAR OUTRA SESIÓN DOS CLUBS DE LECTURA

NUNCA MASCOTAS DE PAULA CARBALLEIRA

FOI A LECTURA DO CLUB DOS PEQUENOS. A SESIÓN FOI LEVADA POR LORENA SEIJO, PROFESORA DE LINGUA E LITERATURA GALEGAS .

TRÁTASE DUN POEMARIO . O ALUMNADO ELIXIU E LEU O SEU POEMA PREFERIDO.

REMATOUSE A SESIÓN COA ELABORACIÓN DUN MARCAPÁXINAS.

A TRENZA DE LAETITIA COLOMBANI

ESTA OBRA FOI A ELECCIÓN PARA O CLUB DE MAIORES.

A SESIÓN FOI LEVADA POR SERGIO PIÑA, PROFESOR DE INGLÉS.

03/01/26

SEGUNDA SESIÓN DO CLUB DE LECTURA

LUME DE J.L.BAÑOS DE COS

A sesión foi unha sesión conxunta do club dos pequenos e dos maiores, levada pola profesora de Lingua e Literatura galegas: Beatriz Varandas.

Aparte de falar da obra de teatro e de dar boa conta dun pastel, o alumnado puso en escena algúns dos actos da obra.

PRIMEIRA SESIÓN DO CLUB DE LECTURA DOS MAIORES

O CORAZÓN DE BRANCA DE NEVE DE FRANCISCO CASTRO

É unha novela policial e de suspense que conta a historia do inspector Hermida que investiga a desaparición dunha bebé robada a unha rapaza inmigrante.

A sesión foi levada pola profesora de francés e coordinadora do club de lectura Mer Pérez.

PRIMEIRA SESIÓN DO CLUB DE LECTURA DOS PEQUENOS

PALABRAS DE CARAMELO DE GONXALO MOURE

Nesta ocasión reunímonos para falarmos de Kori, un neno xordo e poeta que vive nun asentamento saharaui.

Gustou o libro por contar a historia dun neno que vive nun mundo tan diferente ao noso.

César de 2 ESO explicounos moi ben a situación xeo-política dos campamentos.

Falamos dos personaxes, da historia e para rematar traballamos en grupos. Elaboramos un pequeno léxico saharaui, escribimos as palabras clave do libro noutras linguas e noutas linguaxes e elaboramos uns acrósticos co nome dos dous protagonistas da nosa historia: Caramelo e Kori.

A sesión foi levada pola profesora de francés e coordinadora do club de lectura Mer Pérez.

13/07/25

SAÍDA FIN DE CURSO

Para celebrar o final deste curso escolar ,o alumnado dos clubs de lectura e do club de manga, pasamos unha xornada moi agradable. Collimos o barco ata Cangas e logo fixemos a andaina ata Limens, onde almorzamos e poidemos desfrutar un rato do baño e do sol.

31/05/25

XORNADAS DOS CLUBS DE LECTURA

Neste mes de maio tiveron lugar no Pazo de Congresos de Santiago as Xornadas dos clubs de lectura. Asistiu a coordinadora dos clubs: Mer Pérez.

Houbo como sempre algunhas propostas moi interesantes, como foi a charla coa autora e Premio Nacional de Teatro2024: Paula Carballeira, que tamén tivemos o pracer de recibir na nosa biblioteca o ano pasado.

A conversa arredor da dinamización de clubs de lectura tamén resultou moi instructiva.

SESIÓN CONXUNTA DOS CLUBS DE LECTURA

Para rematar as sesións dos clubs deste ano, xuntámonos os dous clubs de lectura do instituto para comentar xuntos dúas obras: Morder la manzana de Leticia Dolera e Todos teríamos que ser feministas de Chimamanda Ngozi

A sesión foi levada pola profesora de Historia: Ana Álvarez acompañada do alumnado do Comando Igualdade.