16/02/21


MEMORIA DO SILENCIO    EVA MEJUTO



Os luns 30 de novembro e 4 de decembro tivemos as nosas primeiras reunións, en grupos

reducidos e na “hora de ler”, cos lectores e lectoras do noso club de lectura de maiores. A obra

que comentamos foi Memoria do silencio de Eva Mejuto.









Tanto a lectura, como a conversa despois compartindo a nosa experiencia lectora resultaron,

como sempre, moi interesantes. Un aspecto que lles gustou a todos da novela foi cómo a

narración avanza ao principio saltando dun personaxe a outro ata que ao final conflúen as tres

nunha mesma historia e desenlace. Aínda que ao principio a lectura resultoulles algo

desconcertante, enganchounos cando atoparon a relación entre as tres personaxes ao

avanzar na lectura.

Do personaxe de Günter, o nazi, comentamos como a educación que recibiu de neno influiu no

personaxe adulto, creando unha personalidade ríxida e nada empática. Da historia de Frieda, a

xudía, o personaxe favorito de moitos, falamos do seu carácter loitador e anticonvencional e

da súa paixón pola música que a axudou a sobrevivir nas situación máis adversas. De Lola, a

protagonista, falamos da súa humanidade e heroísmo ao ser capaz de arriscarse tanto por

axudar aos demáis, a xente descoñecida. Tamén saiu o tema do acoso que tivo que sufrir polo

feito de ser muller e da situación das mulleres nesa época.

Falamos tamén da historia real na que se baseou a novela. Para moitos dos lectores e lectoras

supuxo un descubrimento do que puido ser o nazismo e tamén de que realmente existiran

unhas “Shlinder” galegas, en Ribadavia. Gustoulles, ademáis, que a autora xuntara na trama

as historias de Frieda e Lola.

Outro aspecto do que se falou foi do desenlace , da forma en que todo coincidiu para que ao

final Frieda puidera salvarse e fuxir e todo acabase ben.

A conversa podería ter durado moito máis, pois saíron moitos outros temas: a Guerra Civil, o

estraperlo…pero o tempo non deu para máis. O que si quedou claro e que todos aprendemos

moitas cousas desta historia.


 


INVISIBLE




Este curso comenzamos as xuntanzas do Club de Lectura cun libro moi interesante e recomendable “Invisible” de Eloy Moreno.

Debido a situación de pandemia que estamos vivindo, tivemos que facer dúas sesións co alumnado de 1º ESO. As sesións tiveron lugar na biblioteca do centro, a primeira o 30 de novembro cun grupo de 7 alumnos e a segunda o 14 de decembro con 9 alumnos.



Neste libro Eloy Moreno narra, a través dun neno, unha historia de acoso escolar. É unha historia emotiva e conmovedora que nos fai reflexionar sobre este problema tan de actualidade na nosa sociedade.

Aos alumnos gustoulles moito o libro, sentíronse identificados co protagonista pensando que esa historia perfectamente podería acontecerlle a calquera deles.

Invisible “ espertou neles sentimentos variados, rabia, pena, impotencia... Emocionáronse tanto para ben como para mal e deixounos en ocasións co corazón encollido.

Todos coincidían no importante que é non mirar para outro lado, coma se a cousa non fose con eles, cando a alguén lle está sucedendo algo así.