PRIMEIRA SESIÓN DO CLUB DE LECTURA DOS PEQUENOS

A PUNTA DE PISTOLA de FRAN ALONSO

O luns 11 de novembro, xuntáronse os participantes do club de lectura dos pequenos para falarmos  desta trepidante historia de Fran Alonso.

Por unha banda, unha parella de delincuentes de pouca monta que secuestran a punta de pistola aos seus fillos,  nun centro de acollida.

Por outra banda, a historia dunha camioneira emprendedora, e admiradora da primeira muller en conducir un camión: a fisterrá Celia Rivas.

As dúas historias xúntanse ao final da narración nun desenlace inesperado.

Falamos dos personaxes, do papel da muller no mundo laboral e algúns ilustraron deste xeito a lectura, como non, degustando unhas lambetadas , que xa era case a hora da merenda.

 

                                                  CURSO 2024-2025

PRIMEIRA SESIÓN DO CLUB DE LECTURA DOS MAIORES

               A MADRIÑA de NONES ARAÚJO

O luns, 4 de novembro, tivemos a nosa primeira reunión do Club de Lectura de maiores para comentar a novela de Nones Araújo, A madriña, unha novela ,en gran parte autobiográfica, sobre a emigración, pero dende a perspectiva dos nenos que quedaban aquí, ao cuidado dos avós ou, como neste caso, da madriña. A emigración a América, en concreto a Venezuela, imaxinada polos que reciben esas cartas de ultramar, esas postais e eses agasallos. Unha realidade recente e dura, a pesar de ser contada desde a perspectiva dunha nena, con todo un futuro por diante.

Engaiolounos a narración e a descripción da madriña, ese personaxe tan duro pero ao tempo tan complexo. Os nosos lectores e lectoras asombráronse cun mundo tan recente que aínda algúns podemos contarllo, pero ao mesmo tempo tan diferente do actual.

Pero sobre todo, tivemos o luxo de contar coa propia autora, que veu aquí a falarnos da súa obra e das súas lembranzas e animounos a todos a reunión coa súa conversa.

Grazas, Nones!

 

EXCURSIÓN FINAL DE CURSO

O martes 17 de xuño saímos de excursión co alumnado dos clubs. Neste caso o club de lectura, o club de manga e o club de xogos.

Fixemos a travesía ata Cangas e fomos visitar o Muvi (Museo do videoxogo). O alumnado poido descubrir a historia do video xogo e logo xogar nas diferentes consolas, especialmente nas míticas Arcade.

Despois de dar un paseo e xantar a beira do mar, voltamos a Vigo.

 

ÚLTIMA SESIÓN DO CLUB DE LECTURA DOS MAIORES

AS ALUMNAS DE PAULA CARBALLEIRA

O alumnado do club de maiores tivo no mes de xuño a última sesión de lectura, coa obra dramática

  As alumnas de Paula Carballeira. 

O alumnado xa tivera ocasión de falar desta obra, xa que previamente tivemos a visita e charla da autora.

Nesta sesión, a cargo da profesora de Lingua e Literatura galegas, e directora do noso centro: Beatriz Varandas.

Dúas alumnas:Victoria Súarez e Ángela Fernández volveron dramatizar a primeira escea da obra.

ÚLTIMA SESIÓN DO CLUB DE LECTURA DOS PEQUENOS

EROSKI PARAÍSO 

Para rematar o curso, o alumnado do club de lectura dos pequenos leu teatro.

A obra elexida foi Eroski Paraíso da compañía teatral Chévere.

O alumnado comentou acompañado da profesora de Lingua e Literatura galega e  directora do centro: Beatriz Varandas, moitos dos aspectos da obra, a nivel de contido e de escenificación.

Algúns dos asistentes fixeron unha lectura dramatizada de parte da obra.

De esquerda a dereita Blanca, Álex  e India

 

XORNADA CLUBS DE LECTURA 2024

O martes 14 de maio tuvo lugar na Cidade da Cultura de Santiago de Compostela, o XVI xornada de clubs de lectura.

Dentro dunha xornada extensa, houbo conferencias moi interesantes e aportacións tamén innovadoras.

A charla da xornalista  Susana Pedreira Buján coa escritora Arantza Portabales sobre a súa traxectoria foi moi interesante e divertida.

A videoconferencia da antropóloga Michèle Petit sobre a importancia da literatura e a arte nos contextos críticos.

A experiencia de Montserrat Pena Presas sobre a importancia da lectura     

A experiencia de clubs de lectura lectura fácil de Laia Vidal Serrano

A charla de  Julia Lago, ilustradora e premio Castelao de banda deseñada por Nós Seis.

 

VISITA DE PAULA CARBALLEIRA

A autora, premiada co Premio Nacional de Literatura Dramática   pola obra "As alumnas ", estivo na nosa biblioteca nunha charla organizada polo departamento de Lingua e Literatura galega. 

Dúas alumnas de 1 de bach: Ángela Fernández e Victoria  interpretaron  con éxito a Rosa e Elisa  na primeira e a última escena da obra.

Asistiu o alumnado de 2 cursos de 4ª de eso e os alumnos do Club de lectura de maiores. "As alumnas"

é unha das obras que len neste terceiro trimeste. 

A charla foi moi interesante e a autora contestou as preguntas dos alumnos e compartiu  tamén anécdotas   da súa experiencia como autora e actriz, falou tamén  da importancia da tradición oral, da memoria e do que amosa o teatro.